Едноклеточни и повеќеклетони организми

  Веќе знаеме дека сите живи организми се изградени од клетки. Но, некои организми се изградени од една, а некои од повеќе. Поради тоа, живите организми ги делиме на едноклеточни и повеќеклеточни организми.

Едноклеточни организми

Едноклеточни организми се организмите изградени само од една клетка. Но, безразлика што е само една, во таа клетка се остваруваат сите животни процеси. Тие можат да се најдат во сите животни средини, на копно, во вода и во воздушна средина. Најчесто, тие се микроскопски, т.е. не можеме да ги видиме со голо око, па ги гледаме со направи за зголемување, а има и такви кои можеме да ги видиме. Tие се размножуваат со делба на клетката на две скоро еднакви половини.               

Едноклеточни организми

Повеќеклеточни организми се организмите кои се изградени од повеќе клетки. Сите клетки во еден ваков организам немаат една иста форма, големина и градба. За да можат да функционираат се групираат во ткива.
Ткиво е збир на повеќе клетки кои се слични по градба, форма и големина и извршуваат иста работа. 
Кога ткивата ќе се групираат меѓусебно, се формираат органи, кој извршува една функција. 
Повеќе органи поврзани меѓу себе со цел да извршат животен процес, формираат органски систем а сите органски системи го формираат организмот.
Повеќе за ткивата, органите, органските системи и организмот, прочитајте во нашата наредна објава :)